Nanda Devi Raj Jat Yatra 2026 Uttarakhand ki sabse famous aur spiritual yatra mani jaati hai, jo har 12 saal me ek baar hoti hai. Ye yatra sirf ek trek nahi, balki Maa Nanda Devi ke prati bhakti aur tradition ka ek jeeta-jaagta example hai. Is blog me main aapko Nanda Devi Raj Jat Yatra ka complete route, history, travel guide, best time, budget aur important tips detail me bataungi, jisse aap apni yatra easily plan kar paayein.
Kya Aapko Bhi Aaya Hai Maa Ka Bulawa?
Himalaya ke unche pahadon ke beech,
jahan hawa bhi bhakti ki tarah mehsoos hoti hai,
wahan ek aisi yatra hoti hai
jo
12 saal mein sirf ek baar
aati hai.
Is yatra ka naam hai —
Nanda Devi Raj Jat Yatra.
Ye koi normal religious yatra nahi hai.
Ye ek vidai hai —
Maa Nanda Devi ko unke mayke se
unke sasural, Kailash, tak pahunchaane ki.
Aur sabse khaas baat?
👉
Is yatra mein wahi ja pate hain, jinhe Maa khud bulati hain.
Aakhir Kaun Hain Maa Nanda Devi?
Maa Nanda Devi ko
Uttarakhand mein
Parvati Maa ka roop mana
jata hai.
Ye Maa pahadon ki rakshak hain,
gaavon ki raksha karti hain
aur apne bhakton ko hamesha sambhalti hain.
Raj Jat yatra
Maa ko unke mayke se sasural tak
samman ke saath vidai dene ka prateek hai.
Nanda Devi Raj Jat Yatra Kyun Hoti Hai 12 Saal Mein Ek Baar?
Religious aur Astrological Cycle:
Hindu religion mein '12 saal' ke cycle ka bahut zyada importance hai (jaise Kumbh Mela hota hai). Isi astrological calculation aur hamare ancestors (purvajon) ki banayi hui tradition ki wajah se ise 12 saal mein ek baar organize kiya jata hai, taaki is yatra ki grandeur (shaan) aur purity hamesha bani rahe.
- Pichhli Raj Jat: 2014
- Agli Raj Jat: 2026 (expected)
Isi liye ise
“Himalaya ki Kumbh Yatra”
bhi kaha jata hai.
Kai log apni poori zindagi
sirf ek baar is yatra ka hissa banne ke liye
intezaar karte hain.
Yatra Ki Shuruaat: "Nauti Gaon Se"
Is pavitra yatra ki shuruaat hoti hai
Nauti Gaon (Chamoli district)
se.
Yahin se Maa Nanda Devi ka
doli safar shuru karta hai.
Yatra ka main route kuch is tarah hota hai:
- Nauti Gaon
- Kulsari
- Waan Gaon
- Bedni Bugyal
- Pathar Nachauni
- Roopkund
- Homkund (Final Stop)
Lagbhag 280–300 km ka ye
safar
19–22 din mein poora hota hai.
👉Read : Why Chopta is Different in Every Season (And Why You’ll Fall in Love!) | Hinglish Version
For updated entry fees and timings, you can visit the Jaipur Tourism official website.
Bedni Bugyal Aur Roopkund Ka Mahatva!
1. Bedni Bugyal (बेदनी बुग्याल): Devtaon ka Vishram Sthal
Bedni Bugyal Asia ke sabse bade aur sabse khoobsurat high-altitude alpine meadows mein se ek hai. Hari-bhari ghaas, khula aasmaan aur shant mahaul is jagah ko bilkul alag bana deta hai.
Religious Significance:
Lok manyataon ke anusaar, is bugyal mein
devi-devtaon ka vaas hota
hai. Nanda Raj Jaat Yatra ke dauran Maa Nanda yahin vishram karti hain. Yahin
par ek pavitra kund hai jise
Bedni Kund kaha jata hai,
jahan shraddhalu
tarpan aur pooja-archana
karte hain.
Cultural Connection:
Yatra ke dauran yahan
bhaari bheed ikatthi hoti
hai. Local log apne
traditional dhol-damau ke
saath nachte-gaate hue Maa Nanda ka swagat karte hain. Pura mahaul bhakti aur
utsav se bhar jaata hai.
View:
Bedni Bugyal se
Trishul aur Nanda Ghunti
jaise shandar Himalayan peaks ka nazara itna divine hota hai ki lagta hai
jaise swarg dharti par utar aaya ho.
2. Roopkund (रूपकुंड): Rahasyamayi aur Pavitra Jheel
Roopkund ko duniya bhar mein “Mystery Lake” ke naam se jaana jata hai. Yeh jheel lagbhag 16,000 feet ki unchai par sthit hai.
Naam ka Arth (Meaning):
Kaha jata hai ki jab Maa Nanda Kailash ja rahi thi, tab unhone yahan apni
pyaas bujhai aur paani mein apna
“roop” (reflection) dekha.
Isi wajah se is jheel ka naam
Roopkund pada.
Historical Mystery:
Roopkund duniya bhar mein mashhoor hai yahan mile
sैकड़ों insani kankalon (skeletons)
ki wajah se, jo aaj bhi is jagah ke rahasya ko zinda rakhte hain.
King Jasdhaval ki Katha:
Ek prasiddh kahani ke mutabik, Kannauj ke Raja
Jasdhaval apni garbhwati
rani aur poore lav-lashkar ke saath is yatra par nikal pade. Unhone yatra ke
pavitra niyam tod diye aur shor-sharaba kiya. Isse Maa Nanda krodhit ho gayi
aur ek
bhayanak barfile toofan
mein poora kaafila wahi samapt ho gaya. Aaj jo kankal dikhte hain, unhe usi
ghatna se joda jata hai.
Spiritual Test:
Roopkund tak pahunchna hi nahi, balki use paar karna bhi is yatra ka
sabse kathin aur pavitra imtihaan
maana jata hai. Yahin par yatri Maa Nanda ke prati apni sachchi bhakti aur
dhairya ka parichay dete hain.
Note:
Roopkund ke baad yatra aur bhi kathin ho jaati hai, kyunki yahin se
Junargali Pass ka safar
shuru hota hai — ek aisa raasta jo bahut hi
durghat aur challenging
maana jata hai.
Chaar Singh Wala Bhed (Khaddu, Medha): "Maa Ka Doot"
Raj Jat Yatra ka sabse
rahasyamay aur pavitra
hissa hota hai
Chaar Singh Wala Bhed, jise Garhwali mein
Khaddu ya
Medha kaha jata hai।
Ye koi sadharan pashu nahi hota—
mana jata hai ki ye
Maa Nanda Devi ka jeevit sandeshvahak
hota hai, jo Is yatra ka sabse anokha hissa hota hai
chaar singh wala bhed (Chausinga Khadu).
🌿 Khaddu Ko Chuna Kaise Jata Hai?
- Ye bhed natural roop se chaar singh wala hota hai
- Iska janm Devi ka sanket maana jata hai
- Gaon ke buzurg aur purohit milkar is bhed ko Maa ke liye arpit karte hain
- Is par ghanti, chunri aur Devi ke chinh lagaye jaate hain
Us din se ye bhed Maa ka ho jata hai, gaon ka nahi.
🧭 Nanda Devi Raj Jat Yatra Ka Raasta Khaddu hi Tay Karta Hai
Puri Raj Jat yatra ke dauran:
- Khaddu aage-aage chalta hai
- Koi use zabarasti control nahi karta
- Mana jata hai:
Jahan Khaddu rukta hai,
wahi Maa ka padav hota hai
Kabhi-kabhi:
- Ye achanak kisi jagah baith jata hai
- Ya kisi mod par ruk jaata hai
Aur poori yatra wahi thahar jaati hai 🙏
❄️ Kathin Raaston Par Bhi Khaddu Akela Nahi Rukta
- Khaddu bina dare aage badhta hai
- Bina kisi sahare ke chalta hai
- Jaise koi adrishya shakti or Divya Shakti use raasta dikha rahi ho
Isi liye log kehte hain:
“Raasta Khaddu nahi chalta,
Maa khud chalwati hain.”
🕊️ Khaddu Ka Ant: Sabse Bhaari Pal
Raj Jat ke ant mein, Homkund ke paas:
- Khaddu apni yatra poori karta hai
- Mana jata hai ki yahin Maa apne doot ko apne saath le leti hain
Is pal ko:
- bahut gopniya rakha jata hai
- bina shor-sharabe ke
- poori shraddha ke saath
Ye pal bhakton ke liye
sabse bhavnaatmak hota hai।
- Khaddu ko kabhi maara nahi jaata
- Uske liye alag se bhojan aur Dekh-rekh hoti hai
- Us par kisi ka adhikar nahi hota
- Yatra ke dauran log Khaddu ke aage sir jhuka kar pranaam karte hain
Raj Jat Mein Sab Barabar Hote Hain
Is yatra mein:
- Na koi ameer
- Na koi gareeb
- Na koi chhota
- Na koi bada
Sab sirf Maa ke bhakt hote hain.
Log nange paon chalte hain,
bhari thakaan ke bawajood
chehre par shanti hoti hai.
Dhol-damau, jagar, lok geet
aur “Jai Maa Nanda” ki goonj
poore Himalaya ko bhakti se bhar deti hai.
2026: Phir Aa Rahi Hai Maa Ki Raj Jat
Agar sab kuch parampara ke hisaab se raha,
to 2026 mein phir se
Nanda Devi Raj Jat Yatra hogi.
Ye sirf ek event nahi,
ye ek
jeevan ka avsar
hai.
Agar aap:
- Himalaya ko mehsoos karna chahte ho
- Apne andar ki bhakti ko jagana chahte ho
- Zindagi mein kuch alag, pavitra anubhav chahte ho
to is yatra ko miss mat kijiye.
Nanda Devi Raj Jat Ka Itihaas (Short History Section)
Mana jata hai ki Nanda Devi Raj Jat ki parampara sadiyon purani hai.
Itihas ke mutabik, is yatra ki shuruaat Garhwal ke rajvansh ke dauran hui thi, jab raj parivar Maa Nanda Devi ko apni kul-devi maanta tha.Isliye is yatra ko “Raj Jat” kaha gaya —
kyunki pehle isme rajya ke raja, purohit aur gaon ke mukhiya shaamil hote the.Aaj bhi ye yatra
Uttarakhand ki sabse badi cultural aur spiritual pehchaan mani jati hai.
Aaj bhi ye yatra Raj Jat sirf chalne ki yatra nahi hai, ye atma ki yatra hai.
Mana jata hai —
Maa khud chun kar bulati hain.
Agar aapka mann ye blog padhkar thoda sa bhi bheega hai,to samajh lijiye
bulawa aa chuka hai 🌸
Jai Maa Nanda Devi
Jai Uttarakhand
“Agar aap Uttarakhand ki aur pavitra yatraon ke baare mein padhna chahte hain, to Stacker Diary ko follow karein.”
Frequently Asked Questions – Nanda Devi Raj Jat Yatra
Neeche Nanda Devi Raj Jat Yatra se jude kuch aam sawalon ke jawab diye gaye hain, jo aksar bhakton ke mann mein hote hain.
Nanda Devi Raj Jat Yatra kya hai?
Nanda Devi Raj Jat Yatra Uttarakhand ki ek pavitra aur prachin dharmik yatra hai, jisme Maa Nanda Devi ko unke mayke se sasural Kailash tak vidai di jaati hai.
Nanda Devi Raj Jat Yatra kitne saal mein hoti hai?
Yeh yatra har 12 saal mein ek baar hoti hai. Isi wajah se ise Himalaya ki Kumbh Yatra bhi kaha jata hai.
Kya Nanda Devi Raj Jat 2026 mein hogi?
Pichhli Raj Jat 2014 mein hui thi. Parampara ke anusaar 2026 mein Raj Jat hone ki sambhavana batayi ja rahi hai.
Nanda Devi Raj Jat Yatra kahan se shuru hoti hai?
Is pavitra yatra ki shuruaat Uttarakhand ke Chamoli district ke Nauti gaon se hoti hai.
Raj Jat ka main route kya hota hai?
Raj Jat ka mukhya route Nauti Gaon se shuru hokar Waan, Bedni Bugyal, Pathar Nachauni, Roopkund aur ant mein Homkund tak hota hai.
Nanda Devi Raj Jat Yatra kitni lambi hoti hai?
Yeh yatra lagbhag 280–300 kilometer lambi hoti hai aur ise poora hone mein 19–22 din lagte hain.
Chaar singh wala bhed Raj Jat mein kyun hota hai?
Chaar singh wala bhed (Chausinga Khadu) Maa Nanda Devi ka doot mana jata hai. Jahan yeh bhed rukta hai, wahi Maa ka padav maana jata hai.
Kya koi bhi Nanda Devi Raj Jat Yatra mein ja sakta hai?
Mana jata hai ki Raj Jat mein wahi ja pate hain jinhe Maa ka bulawa milta hai. Yeh yatra sharirik aur mansik dono roop se kathin hoti hai.
Nanda Devi Raj Jat Yatra itni mahatvapurn kyun hai?
Yeh yatra bhakti, tyag aur parampara ka prateek hai aur Garhwal ki sanskriti aur aastha se gehra sambandh rakhti hai.
Post a Comment